الخصوصية

شو بنحتفظ فيه

لما بتصمّموا دعوة، محتواها بيكون داخل الرابط نفسه مش بقاعدة بيانات. وإذا رفعتوا صورة، بنحفظ الصورة عشان الدعوة تعرضها.

لما بتطلبوا، بنستلم الاسم ورقم الواتساب اللي بتدخلوهم والدعوة، عشان نبعتلكم الرابط.

دفاتر الذكريات وتأكيد الحضور

المعايدات والصور والرسائل الصوتية اللي بيتركها الضيوف بتنحفظ عالسيرفر عنا. بتظهر للعرسان بس وهي مش علنية.

إذا استخدمتوا تأكيد الحضور، بنحتفظ بأسماء الضيوف اللي بتدخلوها وردودهم، إلكم وللباب ليلة المناسبة.

شو بنعمل فيه

بنستخدم بياناتكم لتسليم طلبكم والرد عليكم. ما بنبيعها.

ضيوفكم

فتح الدعوة ما بدو حساب. أي حدا معه الرابط بيقدر يفتحها، فشاركوه بس مع المدعوين.

طلب الحذف

راسلونا وبنحذف بيانات طلبكم والصورة اللي رفعتوها.